Fögnum lækkandi vitsmunum forsetisráðherra.

Mjög er það mikil heimska að skoða langtíma atvinnuleysistölur á miðju sumri þegar hvað flestir eru með sumarstörf og bæir og borgir moka út af bótunum inn í sumarvinnu og önnur viðvik. Steingrímur ætti að hafa vit á því að næsta marktæka mæling atvinnuleysis er í september.

Það kemur líka fram hér http://mbl.is/frettir/innlent/2012/07/13/atvinnuleysid_maelist_4_8_prosent/ að skammtíma úrræði (til að lækka tölur atvinnuleysis en ekki raunverulega auka vinnu) eru að telja um 2000 manns. Stór hluti í er "vinnandi vegur" og "öðrum sérúrræðum". Veit fimm ráðuneyta maðurinn ekki að kostnaðurinn er ekkert lægri í þessu sérverkefnabrölti þar se að fyrirtækin sem taka þátt fá greitt frá sama sjóði og atvinnuleysisbætur eru greiddar úr og sömu upphæð þannig að það eina sem batnar er einhver skálduð tala en atvinnuþáttaka heldur áfram að mælast lág.

Stóra fréttin er:

 "störfum hefur ekki fjölgað og forsætisráðherra er ánægður með það".

Forsætisráðherra fagnar minnkandi atvinnuleysi

Athugasemdir

[Kolbrún Hilmars, 13.7.2012 kl. 16:23]

Tek undir með þér, Óskar.

Ef allur þessi fögnuður ríkisstjórnarapparatsins stafaði af því að raunstörf hefðu skapast og spöruðu atvinnuleysis tryggingarsjóði útgjöld, þá væri full ástæða til þess að samfagna.

Svo er þó ekki. Að auki við það sem þú bendir á, þá taka jafnvel atvinnuleysingjar sér sumarfrí og detta út af bótaskrá á meðan.

[Fannar (IP-tala skráð) 13.7.2012 kl. 16:52]

Verkefnin sem er verið að vinna á sumrin eru oftar en ekki þróunarverkefni hjá mörgum af stóru fyrirtækjum landsins og ég held það sé í góðu lagi nota peninginn í slíkt verkefni frekar en að láta hann liggja í bótasjóði. Það er allavega möguleiki á að einhver framtíðarstörf skapast með þessum hætti.

Ef miðaðar eru atvinnuleysistölur frá því í fyrra og í dag þá er jákvæður munur svo ég skil ekki hvað þú ert að segja að hún sé sátt með að hafa ekki náð neinum árangri. Þau eru einnig að miða sig við önnur lönd í kringum okkur.

Ég fatta ekki hvað margir eru enn vælandi yfir því að við skulum ekki hafa það jafn gott og árið 2007.  Þrátt fyrir að Jóhanna og co. hafi mátt fara aðrar leiðir í mörgum málum þá hafa þau náð ágætis árangri á öðrum sviðum s.s. atvinnuleysi. Vil taka það fram að ég er ekki vinstri maður en ég sé ekki hvernig aðrir flokkar hefðu getað tæklað öll þau mál betur heldur en n.v. ríkisstjórn hefur gert.

[Jón Óskarsson (IP-tala skráð) 13.7.2012 kl. 17:24]

Sumir hafa ákaflega stutt minni og hvorki muna né kannast við að hér hafi orðið efnahagshrun með gjaldþroti Seðlabankans, einkabanka og sparisjóða þar sem við urðum að tryggja innistæður fólks.  Það kostaði okkur eittþúsund og sjóhundruð milljarða og bara gjaldþrot Seðlabankans um 300 milljarðar.

Það er ósanngjörn krafa að ætlast til þess að núverandi þingmeirihluti geti búið til sæluríki á þremur eða fjórum árum á þessum rústum.  Ríki þar sem allir hafa allt til alls.

Munum að ef okkur finnast hlutirnir ekki í lagi þá skal minnt á það að frá stofnun lýðveldisins eru 67 ár og af þeim hefur Sjálfstæðisflokkurinn verið lengst allra flokka í ríkisstjórn og iðulega farið með efnahags og skattamál.
Ef undan einhverju þarf að kvarta þá er það þessi langa seta.
Svo vill fólk fá þá aftur í ráðuneytin.  Nei takk

[Kolbrún Hilmars, 13.7.2012 kl. 17:30]

Jón Óskarsson, það þarf ekki langt minni til þess að muna ítrekuð loforð forsætisráðherrans um fjölgun starfa síðustu árin. Þúsundir þeirra hér og þar - eftir helgi eða eftir mánuð.

Veit ekki um aðra, en sjálf áfellist ég meira loforðin en vanrækslu á efndunum. Eflaust hefur þú rétt fyrir þér með að hér hafi verið lofað "upp í ermina sína".

[Jón Óskarsson (IP-tala skráð) 13.7.2012 kl. 17:56]

Hverjir hafa komið að þessum málum og hjálpað til við endurreisnina ?
Þeir sem hruninu ollu, LÍÚ, Samtök atvinnulífisns, stórkaupmenn ?

Nei. Enginn þessara.  Þeir sem helst hefðu átt að koma að málum og hjálpa til við að taka til eftir sig hafa þvert á mót lagt sig fram um að spilla fyrir öllu sem þeir hafa getað og þeim hefur tekist vel upp við það.

[Magnús Sigurðsson, 13.7.2012 kl. 17:58]

Atvinnuleysi, það lækkar að sjálfum sér við það eitt að þeir detta út af skrá sem hafa verið þar yfir ákveðinn tíma, minnir 3-4 ár. Á árum áður bjó ég í sjávarþorpi úti á landi og sótti vinnu að heiman stundum í 200 daga á ári, en samt á Íslandi. Núna mælist ég ekki atvinnulaus frekar en þá því ég sæki vinnu til Noregs alla daga ársins til að fjármagna skuldir og heimili á Íslandi. Það er satt atvinnuleysi er böl, en hvort það er einhver mælikvarði á árangur helferðarhyskisins er aftur umdeilanlegt.

[Kolbrún Hilmars, 13.7.2012 kl. 18:44]

Jón Óskarsson, það skiptir í rauninni engu máli hverjir ollu hruninu; enginn í þeim hópi hefur sýnt aðra tilburði en að flytja lögheimili sitt úr landi. Væntanlega til þess að elta auðæfin sín sem áður voru send úr landi. Þetta vitum við.

En forsætisráðherranum og stjórn hennar hefur ekki tekist að tryggja að "eitthvað annað" komi í staðinn. Það hefur nefnilega ekkert komið í staðinn!

Magnús þekkir mæta vel hverjir það voru sem fluttu úr landi í atvinnuleit. Tölur um fjölda þeirra sem völdu þann kost fram yfir íslenska atvinnuleysisskrá eru eiginlega eins og óhreinu börnin hennar Evu; vandlega falin.

Þau íslensku fyrirtæki sem hafa þraukað hafa þurft að fækka fólki eða minnka vinnuhlutfall. Standa sig þó merkilega vel miðað við aðstæður. Það er hreinlega dónalegt að halda því fram að þau séu að spilla öllu því sem þau geta!

[Jón Óskarsson (IP-tala skráð) 14.7.2012 kl. 12:47]

Af hverju miða alla umræðu við þá sem fluttu út? - Menn láta eins og fólk hafi aldrei brugðist við aðstæðu áður - Miklu fleiri fóru þegar síldin hrundi á árunum 1966-1968 - Sumir komu afgur en aðrir ekki eins og gengur.

Hverstu stórt hlutfall vinnandi manna fór? Hversu hátt hlutfall vinnandi hélt sinni vinnu hér heima þrátt fyrir allt? Voru það ekki yfir 90% sem er ekkert lítið?  20% atvinnuleysi í sumum Evrópuríkjum og fer vaxandi en 5% prósent hér og fer minnkandi og meira að segja búið að tala við fólk sem flutti heim.

Velflest stærstu fyrirtækjanna voru gjaldþrota og væru ekki í rekstri ef ekki hefði komið til aðgerðir bæði banka og stjórnvalda til að halda þeim á lífi og fólki að störfum frekar en senda það heim.

Ekkert er fullkomið en er ekki einu sinni hægt að gleðjast yfir því sem vel tekst til. 

[Magnús Sigurðsson, 14.7.2012 kl. 16:19]

Ertu ekki læs Jón Óskar, er einhver að miða alla umræðu við þá sem fluttu út? 

Ef þú vilt gleðjast yfir því sem vel tekst til í atvinnusköpun á Íslandi þá ættirðu kannski að taka mið af því hvað mörg og hvernig störf hafa orðið til frá hruni.  Ég hef ekki trú á að ríkisstjórnin hefði þá af nokkru að guma.